Акафист моисею угрину с ударениями

ДОМАШНЯЯ МОЛИТВА

Преп. Моисей Угринъ, Печерскій чудотворецъ († 1043 г.)

Преп. Моисей Угринъ былъ родомъ изъ Венгріи. Вмѣстѣ со своими братьями святыми Георгіемъ и Ефремомъ пришелъ на Русь и поступилъ на службу къ Ростовскому князю св. страстотерпцу Борису. По смерти послѣдняго былъ плѣненъ польскимъ королемъ Болеславомъ и купленъ богатою полькою, которая плѣнилась его красотой. Долгое время госпожа склоняла его на преступную связь, но Моисей не поддался ея соблазнамъ; тайно принялъ монашескій подвигъ отъ аѳонскаго черноризца. Въ теченіе четырехъ лѣтъ панна пыталась совратить св. Моисея, доходя въ своемъ стремленіи до крайняго безстыдства. Когда же всѣ мѣры оказались безуспѣшными, она приказала оскопить святаго и сдѣлать его евнухомъ. Господь не оставилъ подвижника безъ отмщенія: въ 1027 году Болеславъ внезапно умеръ, въ народѣ произошелъ мятежъ, во время котораго были убиты многіе паны, въ томъ числѣ и нечестивая панна. Преп. Моисей былъ настолько измученъ и истерзанъ, что только черезъ нѣсколько лѣтъ, послѣ улучшенія здоровья, отправился въ Кіевъ къ преп. Антонію и до самой кончины подвизался въ его пещерѣ. Св. мощи и молитвенная помощь преп. Моисея исцѣляютъ отъ блудной страсти. Извѣстно, что преп. Іоаннъ Многострадальный, болѣе тридцати лѣтъ мучимый плотской похотью, по повелѣнію Божію, обратился съ молитвой къ св. Моисею и получилъ исцѣленіе. Божественный голосъ сказалъ св. Іоанну, что преп. Моисей въ своемъ подвигѣ за цѣломудріе сталъ выше Іосифа Прекраснаго. Память преп. Моисея Угрина — 26 іюля (8 августа).

АКАѲИСТЫ

Ака́ѳистъ преподо́бному Моисе́ю Угрину.

В озбра́нный чудотво́рче и Ду́ха Свята́го испо́лненный, преподо́бне о́тче Моисе́е, ди́вный подви́жниче и неду́говъ душе́вныхъ и тѣле́сныхъ цѣле́бниче, я́ко имѣ́яй дерзнове́ніе ко Го́споду, отъ вся́кихъ на́съ бѣ́дъ свободи́ да въ ра́дости се́рдца зове́мъ ти́:

Р а́дуйся, преподо́бне о́тче Моисе́е, ди́вный чудотво́рче и чистоты́ побо́рниче.

А нгеловъ Творе́цъ и Госпо́дь си́лъ яви́ тя́, досточу́дне, а́нгела во пло́ти и вѣ́рныхъ предста́теля. Прибѣга́юще у́бо къ заступле́нію твоему́, сицева́я ра́достная тебѣ́ прино́симъ:

Р а́дуйся, а́нгельскія чистоты́ ревни́телю. Ра́дуйся, предо́брый и́ноковъ наста́вниче. Ра́дуйся, цѣлому́дрія ди́вное свѣти́ло. Ра́дуйся, усе́рдный исполни́телю поста́ и воздержа́нія. Ра́дуйся, свѣ́тлый о́бразе кро́тости и смире́нія. Ра́дуйся, утѣше́ніе вѣ́рнымъ явля́яй. Ра́дуйся, оби́телей земны́хъ покрови́телю небе́сный. Ра́дуйся, яре́мъ благíй на ся́ взе́мшій.

Р а́дуйся, преподо́бне о́тче Моисе́е, ди́вный чудотво́рче и чистоты́ побо́рниче.

В и́дя Госпо́дь чистоту́ се́рдца твоего́, избра́ тя́ зрѣ́ти сла́ву небе́сную. Егда́ съ двумя́ бра́тіями твои́ми во гра́дъ Кíевъ пресели́лся еси́ и святы́мъ страстоте́рпцемъ Бори́су и Глѣ́бу усе́рдно порабо́талъ еси́, тогда́ ты́, блаже́нне, въ моли́твахъ потща́лся еси́, ели́ко бѣ́ мо́щно ю́ношѣ святы́мъ подража́ти. Сего́ ра́ди съ весе́ліемъ возопія́лъ еси́ Бо́гу: А ллилу́ія.

Р а́зумъ богодухнове́нъ имѣ́я, о преподо́бне о́тче Моисе́е, ди́внымъ смотре́ніемъ Бо́жіимъ, егда́ на рѣцѣ́ Альтѣ бра́та твоего́ Гео́ргія во́и Святопо́лка погуби́ша вку́пѣ со святы́ми страстоте́рпцами Бори́сомъ и Глѣ́бомъ, ты́ же еди́нъ изба́вився убіе́нія, прише́лъ во гра́дъ Кíевъ къ Предисла́вѣ, сестрѣ́ Яросла́влей, и бы́лъ та́мо моля́ся ко Го́споду прилѣ́жно, тѣ́мже похваля́юще Бо́га, спа́сшаго тя́, глаго́лемъ ти́ си́це:

Р а́дуйся, нача́ло прему́дрости, стра́хъ Бо́жій, пра́виломъ жи́зни себѣ́ предъизбра́вый. Ра́дуйся, я́ко а́нгела-храни́теля николи́же опеча́лилъ еси́. Ра́дуйся, лучу́ Боже́ственнаго свѣ́та. Ра́дуйся, благоуха́нный кри́не дѣ́вства и нетлѣ́нія. Ра́дуйся, я́ко благоче́стіемъ твои́мъ угоди́лъ еси́ Христу́ Бо́гу. Ра́дуйся, къ Богоро́дицѣ моли́твенниче на́шъ неусы́пный. Ра́дуйся, не́мощей на́шихъ изря́дный цѣле́бниче. Ра́дуйся, избра́нный сосу́де Ду́ха Свята́го.

Р а́дуйся, преподо́бне о́тче Моисе́е, ди́вный чудотво́рче и чистоты́ побо́рниче.

С и́лою Вы́шняго, даро́ванною тебѣ́, и долготерпѣ́ніемъ твои́мъ бы́лъ еси́ вельми́ преукра́шенъ, егда́ же ведо́ша тя́ по ру́ку и но́гу желѣ́зы тя́жкими око́вана и тве́рдо стрежа́ху, любо́вію къ Бо́гу вы́ну пламенѣ́я, вопія́лъ еси́: А ллилу́ія.

И мѣ́я благопрія́тную по благоче́стіи ре́вность, бы́лъ еси́ искуша́емь отъ нѣ́кія жены́ млады́я, иму́щія бога́тство мно́гое, ея́ же му́жъ съ Болесла́вомъ иды́й не возврати́ся; та́ у́бо пріе́мши во у́мъ ви́дѣнія добро́ту, уязви́ся вожделѣ́ніемъ плотски́мъ къ преподо́бному, о́нъ же вся́ терпя́ моля́шеся. Сему́ у́бо благоговѣ́йно удивля́ющеся, съ ра́достію вопіе́мъ тебѣ́:

Р а́дуйся, отъ мла́да во́зраста вда́вый себе́ на служе́ніе Го́споду. Ра́дуйся, Того́ еди́наго па́че всего́ возлюби́вый. Ра́дуйся, пло́ть ду́ху покори́вый. Ра́дуйся, вся́ по Бо́зѣ терпѣ́ти изво́ливый. Ра́дуйся, ко́зни вдовы́ бо́дро отрази́вый. Ра́дуйся, тѣ́снымъ путе́мъ ева́нгельскимъ ше́ствовавый. Ра́дуйся, Кíево-Пече́рскія Ла́вры свяще́нное украше́ніе. Ра́дуйся, я́ко тобо́ю Госпо́дь прославля́ется.

Р а́дуйся, преподо́бне о́тче Моисе́е, ди́вный чудотво́рче и чистоты́ побо́рниче.

Б у́рею одержи́ма помышле́ній, возшумѣ́ нечести́вая вдова́ на хра́мъ души́ твоея́, преподо́бне, увѣ́дѣвъ же тя́ вѣ́рнаго бы́ти раба́ Христо́ва, зѣло́ смяте́ся. Тѣ́мже и мы́, зря́ жите́йское мо́ре воздвиза́емое бу́рею страсте́й и напа́стей, притека́емъ къ ти́хому приста́нищу моли́твъ твои́хъ, вопія́ Христу́ Бо́гу: А ллилу́ія.

С лы́шавше и ви́дѣвше свято́е житіе́ твое́, [вси́] удивля́хуся си́лѣ благода́ти, изъ у́стъ твои́хъ исходя́щей, и прославля́ху Бо́га. Сего́ ра́ди и мы́ ра́достно ублажа́емъ тя́:

Р а́дуйся, ди́вный избра́нниче Бо́жій. Ра́дуйся, су́етную сла́ву мíра сего́ во уме́ты вмѣни́вый. Ра́дуйся, за сладча́йшаго Іису́са ду́шу твою́ положи́вый. Ра́дуйся, у престо́ла Бо́жія предстоя́й съ го́рними си́лами. Ра́дуйся, на высоту́ безстра́стія возше́дый. Ра́дуйся, преподо́бне о́тче, въ терпѣ́ніи неодолѣ́нный. Ра́дуйся, Свѣ́та невече́рняго прича́стниче. Ра́дуйся, ве́лію благода́ть отъ Го́спода стяжа́вый.

Р а́дуйся, преподо́бне о́тче Моисе́е, ди́вный чудотво́рче и чистоты́ побо́рниче.

Б оготе́чною звѣздо́ю яви́ тя́ мíру житіе́ твое́, преподо́бне о́тче Моисе́е, я́ко всего́ па́че возлюби́лъ еси́ чистоту́ душе́вную и тѣле́сную, и ра́ди му́къ вре́менныхъ упова́я изба́вленъ бы́ти вѣ́чныхъ му́къ, воспѣва́лъ еси́ благода́рнѣ Бо́гу: А ллилу́ія.

В и́дя вра́гъ ро́да человѣ́ческаго чи́стое и свято́е житіе́ твое́, па́че распаля́етъ вдову́, я́же облече́ тя́ во ри́зы многоцѣ́нныя и сла́дкими бра́шны пита́ше, безсту́дно влача́ше на дѣ́ло неподо́бное, ты́ же, о́тче святы́й, прилѣжа́ше па́че посту́ и моли́твѣ. Сего́ ра́ди воспѣва́емъ ти́ си́це:

Р а́дуйся, до́брый во́ине Христо́въ. Ра́дуйся, святы́я Це́ркве похвало́ и ра́дованіе. Ра́дуйся, дара́ми благода́тными преиспо́лненный. Ра́дуйся, не сло́вомъ то́чію, но мно́жае па́че дѣ́ломъ на́съ поуча́яй. Ра́дуйся, разли́чными напа́стьми и искуше́ньми отягче́нныхъ ско́ро посо́бствующій. Ра́дуйся, избра́нниче Христо́въ, чудесы́ свидѣ́тельствованный. Ра́дуйся, въ по́двигахъ земно́е тече́ніе соверши́вый. Ра́дуйся, сподо́бивыйся зрѣ́ти сла́ву Бо́жію.

Р а́дуйся, преподо́бне о́тче Моисе́е, ди́вный чудотво́рче и чистоты́ побо́рниче.

П роповѣ́дуется во все́мъ мíрѣ до́блесть по́двига твоего́, блаже́нне, и́бо ни во что́же вмѣня́лъ еси́ житіе́ мíра сего́. Гла́домъ умы́сли зла́я жена́ умори́ти тя́, вве́рженнаго въ темни́цу. Дру́зи же увѣщава́ху тя́, глаго́люще: «кто́ не посмѣе́тся твоему́ безу́мію? у́не ти́ е́сть покори́тися женѣ́ се́й». Ты́ же, блаже́нне, рече́: «вы́шняго ра́ди Ца́рства вся́ сія́ преоби́дѣхъ, поя́ Бо́гу: А ллилу́ія».

В озсія́лъ еси́ въ бре́нной пло́ти свѣ́томъ небе́снымъ, глаго́ля слова́ ева́нгельскія: «не ожени́выйся пече́тся о Госпо́днихъ, ка́ко угоди́ти Го́сподеви». Тѣ́мже вопіе́мъ ти́:

Р а́дуйся, о́тче, свѣ́томъ добродѣ́телей твои́хъ мíръ озари́вый. Ра́дуйся, о́гнь любве́ Христо́вы въ себѣ́ носи́вый. Ра́дуйся, въ бѣда́хъ ско́рый помо́щниче. Ра́дуйся, а́нгельское житіе́ явля́яй. Ра́дуйся, не приложи́вый се́рдца къ земно́му наслажде́нію. Ра́дуйся, моли́твенниче о чту́щихъ святу́ю па́мять твою́. Ра́дуйся, поко́я вѣ́чного дости́гнувый. Ра́дуйся, неизрече́нныхъ бла́гъ наслѣ́дниче.

Р а́дуйся, преподо́бне о́тче Моисе́е, ди́вный чудотво́рче и чистоты́ побо́рниче.

Х отя́й непреста́нно житіе́мъ и вѣ́рою Го́споду благоугожда́ти, бы́лъ еси́ отъ чернори́зца святы́я Аѳо́нскія горы́ облече́нъ во святы́й, а́нгельскій, и́ноческій о́бразъ. Тѣ́мже, сія́ніемъ по́двиговъ твои́хъ просвѣще́нни, усе́рдно велича́емъ тя́ и просла́вльшему тя́ Христу́ Бо́гу вопіе́мъ: А ллилу́ія.

Н о́вое показа́ зло́ о́ная лука́вая жена́, егда́ въ безу́міи свое́мъ оскопи́ти тя́ повелѣ́ша, ты́ же я́ко ме́ртвъ лежа́лъ еси́ отъ тече́нія кро́ве, едва́ ма́ло въ себѣ́ дыха́нія имѣ́я. Благоговѣ́йнѣ у́бо воспомина́я долготерпѣ́ніе твое́, блажи́мъ тя́ похвала́ми си́ми:

Р а́дуйся, я́ко о́гнь любве́ къ Бо́гу въ се́рдцѣ твое́мъ непреста́нно сохрани́вый. Ра́дуйся, бо́дрости и трезве́нія предо́брый учи́телю. Ра́дуйся, вѣ́рныхъ ко спасе́нію наставля́ющій. Ра́дуйся, твердѣ́е адама́нта въ терпѣ́ніи яви́выйся, и́бо кро́вію твое́ю, я́ко багряни́цею Це́рковь украси́ся. Ра́дуйся, къ преподо́бному Анто́нію рабо́тати Го́сподеви прише́дый. Ра́дуйся, чудесы́ твои́ми оби́тель Пече́рскую просла́вивый. Ра́дуйся, покори́вый во́лю свою́ во́лѣ Отца́ Небе́снаго.

Р а́дуйся, преподо́бне о́тче Моисе́е, ди́вный чудотво́рче и чистоты́ побо́рниче.

С тра́нное чу́до явля́ется притека́ющимъ къ тебѣ́, блаже́нне Моисе́е, и́бо дарова́ тебѣ́ Госпо́дь побѣжда́ти стра́сти. Та́же подража́я пе́рвому Моисе́ю, творя́щему же́зломъ чудеса́, же́зломъ стра́сть бра́тнюю исцѣли́лъ еси́. Мы́ же, благодаря́ о се́мъ Бо́га, дарова́вшаго тебѣ́ такову́ю крѣ́пость, съ любо́вію взыва́емъ: А ллилу́ія.

В е́сь благода́тныхъ дарова́ній испо́лненный, десятолѣ́тнымъ безмо́лвіемъ пеще́рнымъ равноа́нгельскимъ просія́лъ еси́ свѣ́томъ небе́снымъ и сподо́бился еси́ богови́децъ бы́ти, обрѣ́теся бо досто́инъ блаже́нства чи́стыхъ се́рдцемъ, преподо́бне о́тче Моисе́е. Сего́ ра́ди по до́лгу зове́мъ ти́:

Р а́дуйся, я́ко тобо́ю Госпо́дь отъ страсте́й исцѣле́ніе да́руетъ. Ра́дуйся, блаже́нне, за́повѣдь чи́стымъ се́рдцемъ бы́ти вѣ́рно испо́лнивый. Ра́дуйся, я́ко свѣ́тъ Боже́ственный зрѣ́ти сподо́бился еси́. Ра́дуйся, о душа́хъ на́шихъ непреста́нный моли́твенниче. Ра́дуйся, дре́внихъ, святы́хъ, богоно́сныхъ оте́цъ нра́вы себѣ́ усво́ивый. Ра́дуйся, высо́кая преподо́бныхъ похвало́. Ра́дуйся, во смире́ніи зѣло́ преуспѣ́вый. Ра́дуйся, я́ко успе́ніе твое́ прославля́етъ свята́я Це́рковь.

Р а́дуйся, преподо́бне о́тче Моисе́е, ди́вный чудотво́рче и чистоты́ побо́рниче.

В се́ естество́ а́нгельское удиви́ся высотѣ́ чистоты́ твоея́, Це́рковь же па́ки прославля́етъ тя́, я́ко вели́кій таи́нникъ Бо́жія благода́ти бы́лъ еси́ и зрѣ́ти лице́мъ къ Лицу́ Го́спода удосто́ился еси́, да и мы́ съ тобо́ю вы́ну вопіе́мъ: А ллилу́ія.

В итíи многовѣща́нніи не возмо́гутъ изрещи́ чистоту́ твою́, блаже́нне, мы́ же любо́вію побѣжда́еми дерза́емъ воспѣ́ти тебѣ́ похвалы́ таковы́я:

Р а́дуйся, немощны́хъ укрѣпле́ніе. Ра́дуйся, ско́рбныхъ и печа́льныхъ утѣше́ніе. Ра́дуйся, до́брыхъ насади́телю. Ра́дуйся, за дѣ́вственную чистоту́ отъ Го́спода вѣнча́нный. Ра́дуйся, Бо́жія сла́вы те́плый рачи́телю. Ра́дуйся, тала́нтъ вруче́нный ти́ умно́живый. Ра́дуйся, Христа́ Бо́га всѣ́мъ се́рдцемъ возлюби́вый. Ра́дуйся, свѣти́льниче, просвѣща́ющій сердца́ па́мять твою́ чту́щихъ.

Р а́дуйся, преподо́бне о́тче Моисе́е, ди́вный чудотво́рче и чистоты́ побо́рниче.

С пасти́ хотя́ твою́ ду́шу, неради́лъ еси́ о твое́й пло́ти и въ Ла́врѣ Пече́рстѣй свята́го Анто́нія коне́цъ стра́нствія земна́го соверши́лъ еси́, почи́въ о Го́сподѣ кончи́ною пра́ведною и свято́ю, я́ко побѣди́тель не съ человѣ́ки, но со а́нгелы воспѣва́лъ еси́ Бо́гу: А ллилу́ія.

С тѣно́ю терпѣ́нія огради́вся, Царя́ Небе́снаго, Христа́, вѣ́рный служи́тель бы́лъ еси́, житіе́ твое́ тѣ́сною стезе́ю проше́лъ еси́. Мы́ же, чту́ще любо́вію па́мять твоего́ преставле́нія и моще́й твои́хъ честны́хъ обрѣ́тенія, ублажа́емъ тя́, вопію́ще такова́я:

Р а́дуйся, пресла́вный на́шъ засту́пниче. Ра́дуйся, предваря́ющій проше́нія призыва́ющихъ тя́ во искуше́ніихъ. Ра́дуйся, мно́гими скорбьми́ въ ра́дость Го́спода вше́дый. Ра́дуйся, сле́зъ излія́ньми ду́шу твою́ омы́вый. Pа́дуйся, я́ко сло́во апо́стольское, — «любы́ долготерпи́тъ», — испо́лнивый. Ра́дуйся, блаже́нство ра́йское со святы́ми унаслѣ́довавый. Ра́дуйся, богоуго́днымъ житіе́мъ вѣ́ру утверди́вый. Ра́дуйся, бли́жнимъ и да́льнимъ по́мощь свою́ подава́яй. Ра́дуйся, мíра го́рняго блаже́нный обита́телю.

Р а́дуйся, преподобне, отче Моисее, дивный чудотворче и чистоты поборниче.

П ѣ́ніемъ ака́ѳиста честву́емъ тя́ и велича́емъ, преподо́бне о́тче Моисе́е, ре́вностно соверша́юще святу́ю па́мять твою́. Ты́ же, ми́лостивно пріи́мше ма́лое моле́ніе на́ше, бу́ди на́мъ побо́рникомъ, предста́телемъ и моли́твенникомъ ко Го́споду. Мы́ же, помина́я житіе́ твое́ богоуго́дное и по́двиги твоя́ многотру́дныя, воспѣва́емъ просла́вльшему тя́ Творцу́: А ллилу́ія.

С вѣтопода́тельному свѣти́льнику подо́бны честны́я и цѣльбоно́сныя мо́щи твоя́, досточу́дне о́тче Моисе́е, свѣ́тъ бо невече́рній возсіява́етъ отъ ни́хъ чрезъ чудесы́ оби́льныя, тѣ́мже отъ любве́ серде́чныя восклица́емъ тебѣ́ ра́достно:

Р а́дуйся, сме́ртію вре́менною преше́дый въ живо́тъ вѣ́чный. Pа́дуйся, Іоа́нна Многострада́льного чуде́сно уврачева́вый. Ра́дуйся, кри́не возраще́нный на земли́ для ра́йскихъ селе́ній. Pа́дуйся, дѣ́лателю до́брый виногра́да небе́снаго. Ра́дуйся, ма́слино многопло́дная са́да Іису́сова. Pа́дуйся, преподо́бныхъ Пече́рскихъ отце́въ велича́ніе. Ра́дуйся, ти́хое приста́нище обурева́емыхъ страстьми́. Pа́дуйся, во все́мъ мíрѣ Бо́гомъ просла́вленный.

Р а́дуйся, преподо́бне о́тче Моисе́е, ди́вный чудотво́рче и чистоты́ побо́рниче.

Б лагода́ть дана́ ти́ отъ Бо́га соблюда́ти отъ нечи́стыя стра́сти вся́каго человѣ́ка, съ вѣ́рою и любо́вію къ заступле́нію твоему́ прибѣга́ющаго. Мы́ же Го́споду, дарова́вшему на́мъ тебе́, ско́раго, ми́лостиваго врачева́теля, благода́рственнѣ воспѣва́емъ: А ллилу́ія.

П ою́ще равноа́нгельское житіе́ твое́, ублажа́емъ тя́, о́тче Моисе́е, я́ко моли́твенника о на́съ предъ Го́сподемъ, засту́пника и наста́вника ко спасе́нію, и со умиле́ніемъ возглаша́емъ ти́ такова́я:

Р а́дуйся, о мíрѣ моли́твенниче преизря́дне. Pа́дуйся, не то́чію и́нокомъ, но и міря́номъ пу́ть къ не́бу озаря́ющій. Ра́дуйся, всѣ́хъ сердца́ любо́вію твое́ю къ себѣ́ привлека́ющій. Pа́дуйся, мно́жествомъ чуде́съ отъ Бо́га просла́вленный. Ра́дуйся, стра́нниче, оте́чествія небе́снаго дости́гнувый. Pа́дуйся, терпѣ́ніемъ скорбе́й дре́внему Іову подража́вый. Ра́дуйся, во искуше́ніихъ при́сный помо́щниче. Pа́дуйся, мѵ́ро цѣле́бное Бо́жія благода́ти. Ра́дуйся, о тебѣ́ бо ра́дуются а́нгели и Бо́га сла́вятъ человѣ́цы.

Р а́дуйся, преподо́бне о́тче Моисе́е, ди́вный чудотво́рче и чистоты́ побо́рниче.

О , преди́вный уго́дниче и святы́й чудотво́рче, преподо́бне о́тче Моисе́е, ма́лое сіе́ пѣсносло́віе, съ любо́вію въ похвалу́ тебѣ́ приноси́мое, отъ на́съ ми́лостивно пріе́мши, умоли́ всѣ́хъ Творца́ и Го́спода дарова́ти на́мъ душе́вное спасе́ніе и тѣле́сное здра́віе, вѣ́рно воспѣва́ющимъ Бо́гу: А ллилу́ія.

[ Се́й конда́къ глаго́лется три́жды. Та́же и́косъ 1-й: А нгеловъ Творе́цъ и Госпо́дь си́лъ. И конда́къ 1-й: В озбра́нный чудотво́рче. ]

Моли́тва преподо́бному Моисе́ю Угрину.

О , пречу́дный и богоно́сный о́тче Моисе́е, изря́дный уго́дниче Христо́въ и вели́кій чудотво́рче! Къ тебѣ́ смире́нно припа́даемъ и мо́лимся: да́ждь на́мъ бы́ти прича́стникомъ любве́ твоея́ къ Бо́гу и бли́жнему, помози́ на́мъ твори́ти во́лю Госпо́дню въ простотѣ́ се́рдца и смире́ніи, за́повѣди Госпо́дни соверша́ти непогрѣши́тельно; при́зри благоутро́бно на вся́кую ду́шу вѣ́рныхъ твои́хъ чти́телей, ми́лости и по́мощи твоея́ и́щущихъ. Ей, всеблагíй уго́дниче Бо́жій, услы́ши на́съ, моля́щихся тебѣ́, и не пре́зри на́съ, тре́бующихъ твоего́ заступле́нія и досто́йную пѣ́снь тебѣ́ принося́щихъ! Тебе́ ублажа́емъ, о́тче Моисе́е, тя́ воспѣва́емъ, чистоты́ свѣти́льниче, прославля́юще ми́лостиваго Бо́га, во Святѣ́й Безнача́льнѣй Тро́ицѣ сла́вимаго, Отца́ и Сы́на и Свята́го Ду́ха, ны́нѣ и при́сно и во вѣ́ки вѣко́въ. Ами́нь.

Тропа́рь, гла́съ 3:

Д руга́го тя́ Іо́сифа, вели́кій чистоты́ и цѣлому́дрія рачи́телю, всече́стне и равноа́нгельне Моисе́е, свяще́нными пѣ́сньми восхваля́юще, грѣ́шніи, мо́лимтися прилѣ́жно: моли́ Христа́ Бо́га, я́ко да исцѣли́тъ вся́ на́ша стра́сти и пода́стъ ве́лію ми́лость.

Инъ тропа́рь, гла́съ то́йже:

Т руды́ и по́двиги со страстьми́ по чистотѣ́ твое́й ви́дя, свя́те, кто́ не удиви́тся? Гла́дъ бо, темни́цу и ра́ны пріе́мля, не порабо́тился еси́ сласте́мъ ля́ховицы, но, я́ко ца́рь, страстьми́ облада́яй, ны́нѣ и тогда́ возпросла́вился еси́ отъ Всеви́дящаго человѣ́ческая сердца́, отъ Него́же во искуше́ніихъ всѣ́мъ посо́бствовати благода́ть пріе́мь, посо́бствуй и на́мъ, твою́ па́мять чту́щимъ, Моисе́е преподо́бне.

Конда́къ, гла́съ 3:

В ъ вы́шнихъ еди́наго Бо́га ища́, земна́я вся́ презрѣ́лъ еси́, о тѣлеси́ свое́мъ неради́въ, на му́ки му́жески себе́ вда́лъ еси́, гла́дъ, жа́жду, у́зы, въ темни́цѣ затворя́емь, до́блественно претерпѣ́лъ еси́, біе́нія, кро́ве излія́ніе и удо́въ отрѣ́заніе, чи́стаго ра́ди дѣ́вства твоего́, му́жески поне́слъ еси́. И ны́нѣ съ дѣ́вственными ли́ки предстоя́ Пресвятѣ́й Тро́ицѣ, отъ всѣ́хъ искуше́ній моли́ изба́витися вопію́щимъ ти́: ра́дуйся, Моисе́е, о́тче блаже́ннѣйшій.

У блажа́емъ тя́, преподо́бне о́тче Моисе́е, и чте́мъ святу́ю па́мять твою́, наста́вниче мона́ховъ и собесѣ́дниче а́нгеловъ.

Источникъ: Рѣдкіе акаѳисты Кіево-Печерской Лавры. — Кіевъ: Информаціонно-издательскій центръ Украинской Православной Церкви, 1996. — С. 227-237.

Преподобный Моисей Угрин

АКАФИСТ ПРЕПОДОБНОМУ МОИСЕЮ УГРИНУ

Кондак 1

В озбранный чудотворче и Духа Святаго исполненный, преподобне отче Моисее, дивный подвижниче и недугов душевных и телесных целебниче, яко имеяй дерзновение ко Господу, от всяких нас бед свободи, да в радости сердца зовем ти:

Радуйся, преподобне отче Моисее, дивный чудотворче и чистоты поборниче.

Икос 1

А нгелов Творец и Господь Сил яви тя, досточудне, ангела во плоти и верных предстателя. Прибегающе убо к заступлению твоему, сицевая радостная тебе приносим:

Радуйся, ангельския чистоты ревнителю; радуйся, предобрый иноков наставниче.

Радуйся, целомудрия дивное светило; радуйся, усердный исполнителю поста и воздержания.

Радуйся, светлый образе кротости и смирения; радуйся, утешение верным являяй.

Радуйся, обителей земных покровителю небесный; радуйся, ярем благий на ся вземший.

Радуйся, преподобне отче Моисее, дивный чудотворче и чистоты поборниче.

Кондак 2

В идя Господь чистоту сердца твоего, избра тя зрети славу небесную. Егда с двумя братиями твоими во град Киев преселился еси и святым страстотерпцем Борису и Глебу усердно поработал еси, тогда ты, блаженне, в молитвах потщался еси, елико бе мощно юноше, святым подражати. Сего ради с веселием вопиял еси Богу: Аллилуиа.

Икос 2

Р азум богодухновен имея, о преподобне отче Моисее, дивным смотрением Божиим, егда на реце Альте брата твоего Георгия вои Святополка погубиша вкупе со святыми страстотерпцами Борисом и Глебом, ты же един избавився убиения, пришел во град Киев к Предиславе, сестре Ярославлей, и был тамо, моляся ко Господу прилежно; темже похваляюще Бога, спасшаго тя, глаголем ти сице:

Радуйся, начало премудрости, страх Божий, правилом жизни себе предызбравый; радуйся, яко ангела-хранителя николиже опечалил еси.

Радуйся, луче Божественнаго Света; радуйся, благоуханный крине девства и нетления.

Радуйся, яко благочестием твоим угодил еси Христу Богу; радуйся, к Богородице молитвенниче наш неусыпный.

Радуйся, немощей наших изрядный целебниче; радуйся, избранный сосуде Духа Святаго.

Радуйся, преподобне отче Моисее, дивный чудотворче и чистоты поборниче.

Кондак 3

С илою Вышняго, дарованною тебе, и долготерпением твоим был еси вельми преукрашен, егда же ведоша тя, по руку и ногу железы тяжкими окована, и твердо стрежаху, любовию к Богу выну пламенея, вопиял еси: Аллилуиа.

Икос 3

И мея благоприятную по благочестии ревность, был еси искушаемь от некия жены младыя, имущей богатство многое, еяже муж, с Болеславом идый, не возвратися; та убо приемши во ум видения, доброту, уязвися вожделением плотским к преподобному, он же вся терпя, моляшеся. Сему убо благоговейно удивляющеся, с радостию вопием тебе:

Радуйся, от млада возраста вдавый себя на служение Господу; радуйся, Того Единаго паче всего возлюбивый.

Радуйся, плоть духу покоривый; радуйся, вся по Бозе терпети изволивый.

Радуйся, козни вдовы бодро отразивый; радуйся, тесным путем Евангельским шествовавый.

Радуйся, Киево-Печерския Лавры священное украшение; радуйся, яко тобою Господь прославляется.

Радуйся, преподобне отче Моисее, дивный чудотворче и чистоты поборниче.

Кондак 4

Б урею одержима помышлений, восшуме нечестивая вдова на храм души твоея, преподобне, уведев же тя вернаго быти раба Христова, зело смятеся; темже и мы, зря житейское море, воздвизаемое бурею страстей и напастей, притекаем к тихому пристанищу молитв твоих, вопия Христу Богу: Аллилуиа.

Икос 4

С лышавше и видевше людие святое житие твое, удивляхуся силе благодати, из уст твоих исходящей, и прославляху Бога, сего ради и мы радостно ублажаем тя:

Радуйся, дивный избранниче Божий; радуйся, суетную славу мира сего во уметы вменивый.

Радуйся, за Сладчайшаго Иисуса душу твою положивый; радуйся, у Престола Божия предстояй с горними силами.

Радуйся, на высоту безстрастия возшедый; радуйся, преподобне отче, в терпении не одоленный.

Радуйся, Света Невечерняго причастниче; радуйся, велию благодать от Господа стяжавый.

Радуйся, преподобне отче Моисее, дивный чудотворче и чистоты поборниче.

Кондак 5

Б оготечною звездою яви тя миру житие твое, преподобне отче Моисее, яко всего паче возлюбил еси чистоту телесную и душевную и, ради мук временных уповая избавлен быти вечных мук, воспевал еси благодарне Богу: Аллилуиа.

Икос 5

В идя враг рода человеческаго чистое и святое житие твое, паче распаляет вдову, облече тя во ризы многоценныя и сладкими брашны питаше, безстудно влачаше на дело непреподобное, ты же, отче святый, прилежаше паче посту и молитве. Сего ради воспеваем ти сице:

Радуйся, добрый воине Христов; радуйся, святыя Церкве похвало и радование.

Радуйся, дарами благодатными преисполненный; радуйся, не словом точию, но множае паче делом нас поучаяй.

Радуйся, различными напастьми и искушеньми отягченным скоро пособствующий; радуйся, избранниче Христов, чудесы свидетельствованный.

Радуйся, в подвизех земное течение совершивый; радуйся, сподобившийся зрети славу Божию.

Радуйся, преподобне отче Моисее, дивный чудотворче и чистоты поборниче.

Кондак 6

П роповедуется во всем мире доблесть подвига твоего, блаженне, ибо ни во что же вменял еси житие мира сего. Гладом умысли злая жена уморити тя, вверженнаго в темницу. Друзи же увещаваху тя, глаголюще: кто не посмеется твоему безумию; уне ти есть покоритися жене сей. Ты же, блаженне, рече: вышняго ради Царства вся сия преобидех, поя Богу: Аллилуиа.

Икос 6

В озсиял еси в бренной плоти светом небесным, глаголя слова Евангельския: не оженивыйся печется о Господних, како угодити Господеви. Темже вопием ти:

Радуйся, отче, светом добродетелей твоих мир озаривый; радуйся, огнь любве Христовы в себе носивый.

Радуйся, в бедах скорый помощниче; радуйся, ангельское житие являяй.

Радуйся, не приложивый сердца к земному наслаждению; радуйся, молитвенниче о чтущих святую память твою.

Радуйся, покоя вечнаго достигнувый; радуйся, неизреченных благ наследниче.

Радуйся, преподобне отче Моисее, дивный чудотворче и чистоты поборниче.

Кондак 7

Х отяй непрестанно житием и верою Господу благоугождати, был еси от черноризца святыя Афонския горы облечен во святый ангельский иноческий образ; темже, сиянием подвигов твоих просвещеннии, усердно величаем тя и прославльшему тя Христу Богу вопием: Аллилуиа.

Икос 7

Н овое показа зло оная лукавая жена, егда в безумии своем оскопити тя повеле, ты же яко мертв лежал еси от течения крове, едва мало в себе дыхания имея. Благоговейне убо вспоминая долготерпение твое, блажим тя похвалами сими:

Радуйся, яко огнь любве к Богу в сердце твоем непрестанно сохранивый; радуйся, бодрости и трезвения предобрый учителю.

Радуйся, верных ко спасению наставляющий; радуйся, твердее адаманта в терпении явивыйся, ибо кровию твоею, яко багряницею, Церковь украсися.

Радуйся, к преподобному Антонию работати Господеви пришедый; радуйся, чудесы твоими обитель Печерскую прославивый.

Радуйся, покоривый волю свою воле Отца Небеснаго.

Радуйся, преподобне отче Моисее, дивный чудотворче и чистоты поборниче.

Кондак 8

С транное чудо является притекающим к тебе, блаженне Моисее, ибо дарова тебе Господь побеждати страсти. Таже подражая первому Моисею, творящему жезлом чудеса, жезлом страсть братнюю исцелил еси. Мы же, благодаря о сем Бога, даровавшаго тебе таковую крепость, с любовию взываем: Аллилуиа.

Икос 8

В есь благодатных дарований исполненный, десятолетным безмолвием пещерным равноангельским просиял еси светом небесным и сподобился еси боговидец быти, обретеся бо достоин блаженства чистых сердцем, преподобне отче Моисее. Сего ради по долгу зовем ти:

Радуйся, яко тобою Господь от страстей исцеление дарует; радуйся, блаженне, заповедь чистым сердцем быти верно исполнивый.

Радуйся, яко Свет Божественный зрети сподобился еси; радуйся, о душах наших непрестанный молитвенниче.

Радуйся, древних святых богоносных отец нравы себе усвоивый; радуйся, высокая преподобных похвало.

Радуйся, во смирении зело преуспевый; радуйся, яко успение твое прославляет Святая Церковь.

Радуйся, преподобне отче Моисее, дивный чудотворче и чистоты поборниче.

Кондак 9

В се естество ангельское удивися высоте чистоты твоея, Церковь же паки прославляет тя, яко великий таинник Божия благодати был еси и зрети лицем к лицу Господа удостоился еси, да и мы с тобою выну вопием: Аллилуиа.

Икос 9

В итии многовещаннии не возмогут изрещи чистоту твою, блаженне, мы же, любовию побеждаеми, дерзаем воспети тебе похвалы таковая:

Радуйся, немощных укрепление; радуйся, скорбных и печальных утешение.

Радуйся, добрых насадителю; радуйся, за девственную чистоту от Господа венчанный.

Радуйся, Божия славы теплый рачителю; радуйся, талант, врученный ти, умноживый.

Радуйся, Христа Бога всем сердцем возлюбивый; радуйся, светильниче, просвещающий сердца память твою чтущих.

Радуйся, преподобне отче Моисее, дивный чудотворче и чистоты поборниче.

Кондак 10

С пасти хотя твою душу, нерадил еси о твоей плоти и в Лавре Печерстей святаго Антония конец странствия земнаго совершил еси, почив о Господе кончиною праведною и святою, яко победитель не с человеки, но со ангелы воспевал еси Богу: Аллилуиа.

Икос 10

С теною терпения оградився, Царя Небеснаго Христа верный служитель был еси, житие твое тесною стезею прошел еси. Мы же, чтуще любовию память твоего преставления и мощей твоих честных обретения, ублажаем тя, вопиюще таковая:

Радуйся, преславный наш заступниче; радуйся, предваряющий прошения призывающих тя во искушениих.

Радуйся, многими скорбьми в радость Господа вшедый; радуйся, слез излияньми душу твою омывый.

Радуйся, яко слово апостольское: любы долготерпит, исполнивый; радуйся, блаженство райское со святыми унаследовавый.

Радуйся, богоугодным житием веру утвердивый; радуйся, ближним и дальним помощь свою подаваяй.

Радуйся, мира горняго блаженный обитателю.

Радуйся, преподобне отче Моисее, дивный чудотворче и чистоты поборниче.

Кондак 11

П ением акафиста чествуем тя и величаем, преподобне отче Моисее, ревностно совершающе святую память твою. Ты же, милостиво приимше малое моление наше, буди нам поборником, предстателем и молитвенником ко Господу. Мы же, поминая житие твое богоугодное и подвиги твоя многотрудныя, воспеваем прославльшему тя Творцу: Аллилуиа.

Икос 11

С ветоподательному светильнику подобны честныя и цельбоносныя мощи твоя, досточудне отче Моисее, свет бо невечерний возсиявает от них чрез чудесы обильная, темже от любве сердечныя восклицаем тебе радостно:

Радуйся, смертию временной прешедый в живот вечный; радуйся, Иоанна Многострадальнаго чудесно уврачевавый.

Радуйся, крине, возращенный на земли для райских селений; радуйся, делателю добрый винограда небеснаго.

Радуйся, маслино многоплодная сада Иисусова; радуйся, преподобных Печерских отцев величание.

Радуйся, тихое пристанище обуреваемых страстьми; радуйся, во всем мире Богом прославленный.

Радуйся, преподобне отче Моисее, дивный чудотворче и чистоты поборниче.

Кондак 12

Б лагодать дана ти от Бога соблюдати от нечистыя страсти всякаго человека, с верою и любовию к заступлению твоему прибегающаго. Мы же Господу, даровавшему нам тебе, скораго милостиваго врачевателя, благодарственне воспеваем: Аллилуиа.

Икос 12

П оюще равноангельское житие твое, ублажаем тя, отче Моисее, яко молитвенника о нас пред Господем, заступника и наставника ко спасению, и со умилением возглашаем ти таковая:

Радуйся, о мире молитвенниче преизрядный; радуйся, не точию иноком, но и миряном путь к небу озаряющий.

Радуйся, всех сердца любовию твоею к себе привлекающий; радуйся, множеством чудес от Бога прославленный.

Радуйся, странниче, отечествия небеснаго достигнувый; радуйся, терпением скорбей древнему Иову подражавый.

Радуйся, во искушениях присный помощниче; радуйся, миро целебное Божия благодати.

Радуйся, о тебе бо радуются ангели и Бога славят человецы.

Радуйся, преподобне отче Моисее, дивный чудотворче и чистоты поборниче.

Кондак 13

О предивный угодниче и святый чудотворче, преподобне отче Моисее, малое сие песнословие, с любовию в похвалу тебе приносимое, от нас милостивно приемше, умоли всех Творца и Господа даровати нам душевное спасение и телесное здравие, верно воспевающих Богу: Аллилуиа.

Этот кондак читается трижды, затем икос 1-й «Ангелов Творец…» и кондак 1-й «Возбранный чудотворче…».

Молитва

О пречудный и богоносный отче Моисее, изрядный угодниче Христов и великий чудотворче, к тебе смиренно припадаем и молимся: даждь нам быти причастником любве твоея ко Богу и ближнему, помози нам творити волю Господню в простоте сердца и смирении, заповеди Господни совершати непогрешительно, призри благоутробно на всякую душу верных твоих чтителей, милости и помощи твоея ищущих. Ей, всеблагий угодниче Божий, услыши нас, молящихся тебе, и не презри нас, требующих твоего заступления и достойную песнь тебе приносящих; тебе ублажаем, отче Моисее, тя воспеваем, чистоты светильниче, прославляюще милостиваго Бога, во Святей Безначальней Троице славимаго Отца и Сына и Святаго Духа, ныне и присно и во веки веков. Аминь.

Тропарь, глас 3

Д ругаго тя Иосифа, великий чистоты и целомудрия рачителю, всечестне и равноангельне Моисее, священными песньми восхваляюще, грешнии, молимтися прилежно: моли Христа Бога, яко да исцелит вся наша страсти и подаст велию милость.

Ин тропарь, глас тойже

Т руды и подвиги со страстьми по чистоте твоей видя, святе, кто не удивится? Глад бо, темницу и раны приемля, не поработился еси сластем ляховицы, но, яко царь, страстьми обладаяй, ныне и тогда возпрославился еси от Всевидящаго человеческая сердца, от Негоже во искушениих всем пособствовати благодать прием, пособствуй и нам, твою память чтущим, Моисее преподобне.

Кондак, глас 3

В Вышних единаго Бога ища, земная вся презрел еси, о телеси своем нерадив, на муки мужески себе вдал еси, глад, жажду, узы, в темнице затворяемь, доблественно претерпел еси, биения, крове излияние и удов отрезание, чистаго ради девства твоего, мужески понесл еси. И ныне с девственными лики предстоя Пресвятей Троице, от всех искушений моли избавитися вопиющим ти: радуйся, Моисее, отче блаженнейший.

Акафист святому преподобному Моисею Угрину

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 08 августа (26 июля ст. ст.)

Кондак 1

Возбранный чудотворче и Духа Святаго исполненный, преподобный отче Моисее, дивный подвижниче и недугов душевных и телесных целебниче, яко имеяй дерзновение ко Господу, от всяких нас бед свободи да в радости сердца зовем ти: Радуйся, преподобне отче Моисее, дивный чудотворче и чистоты поборниче.

Икос 1

Ангелов Творец и Господь сил яви тя, досточудне, Ангела во плоти и верных предстателя. Прибегающе убо к заступлению твоему, сицевая радостная тебе приносим: Радуйся, ангельския чистоты ревнителю; радуйся, предобрый иноков наставниче. Радуйся, целомудрия дивное светило; радуйся, усердный исполнителю поста и воздержания. Радуйся, светлый образе кротости и смирения; радуйся, утешение верным являяй. Радуйся, обителей земных покровителю небесный; радуйся, ярем благий на ся вземший. Радуйся, преподобне отче Моисее, дивный чудотворче и чистоты поборниче.

Кондак 2

Видя Господь чистоту сердца твоего, избра тя зрети славу небесную. Егда с двумя братиями твоими во град Киев преселился еси и святым страстотерпцем Борису и Глебу усердно поработал еси, тогда ты, блаженне, в молитвах потщался еси, елико бе мощно юноше святым подражати. Сего ради с веселием возопиял еси Богу: Аллилуиа.

Икос 2

Разум богодухновен имея, о преподобне отче Моисее, дивным смотрением Божиим, егда на реце Альте брата твоего Георгия вои Святополка погубиша вкупе со святыми страстотерпцами Борисом и Глебом, ты же един избавився убиения, пришел во град Киев к Предиславе сестре Ярославлей и был тамо моляся ко Господу прилежно, темже похваляюще Бога, спасшаго тя, глаголем ти сице: Радуйся, начало премудрости страх Божий правилом жизни себе предизбравый; радуйся, яко Ангела хранителя николиже опечалил еси. Радуйся, лучу Божественного света; радуйся, благоуханный крине девства и нетления. Радуйся, яко благочестием твоим угодил еси Христу Богу; радуйся, к Богородице молитвенниче наш неусыпный. Радуйся, немощей наших изрядный целебниче. Радуйся, избранный сосуде Духа Святаго. Радуйся, преподобне отче Моисее, дивный чудотворче и чистоты поборниче.

Кондак 3

Силою Вышняго, дарованною тебе, и долготерпением твоим был еси вельми преукрашен, егда же ведоша тя по руку и ногу железы тяжкими окована и твердо стрежаху, любовию к Богу выну пламенея, вопиял еси: Аллилуиа.

Икос 3

Имея благоприятную по благочестии ревность, был еси искушаем от некия жены младыя, имущей богатство многое, ея же муж с Болеславом идый не возвратися; та убо приемши во ум видения, доброту уязвися вожделением плотским к преподобному, он же вся терпя моляшеся. Сему убо благоговейно удивляющеся, с радостию вопием тебе: Радуйся, от млада возраста вдавый себя на служение Господу; радуйся. Того Единого паче всего возлюбивый. Радуйся, плоть духу покоривый; радуйся, вся по Бозе терпети изволивый. Радуйся, козни вдовы бодро отразивый; радуйся, тесным путем евангельским шествовавший. Радуйся, Киево-Печерския Лавры священное украшение; радуйся, яко тобою Господь прославляется. Радуйся, преподобне отче Моисее, дивный чудотворце и чистоты поборниче.

Кондак 4

Бурею одержима помышлений, восшуме нечестивая вдова на храм души твоея, преподобне, уведев же тя верного быти раба Христова, зело смятеся, темже и мы, зря житейское море воздвигаемое бурею страстей и напастей, притекаем к тихому пристанищу молитв твоих, вопия Христу Богу: Аллилуиа.

Икос 4

Слышавше и видевше святое житие твое, удивляхуся силе благодати, из уст твоих исходящей, и прославляху Бога, сего ради и мы радостно ублажаем тя: Радуйся, дивный избранниче Божий; радуйся, суетную славу мира сего во уметы вменивый; радуйся, за Сладчайшаго Иисуса душу твою положивый; радуйся, у престола Божия предстояй с горними силами; радуйся, на высоту безстрастия возшедый; радуйся, преподобне отче, в терпении неодоленный. Радуйся, Света Невечерняго причастниче. Радуйся, велию благодать от Господа стяжавый. Радуйся, преподобне отче Моисее, дивный чудотворче и чистоты поборниче.

Кондак 5

Боготечною звездою яви тя миру житие твое, преподобне отче Моисее, яко всего паче возлюбил еси чистоту душевную и телесную и ради мук временных уповая избавлен быти вечных мук, воспевал еси благодарне Богу: Аллилуиа.

Икос 5

Видя враг рода человеческаго чистое и святое житие твое, паче распаляет вдову, яже облече тя во ризы многоценныя и сладкими брашны питаше, безстудно влачаше на дело непреподобное, ты же, отче святый, прилежаше паче посту и молитве. Сего ради воспеваем ти сице: Радуйся, добрый воине Христов; радуйся, Святыя Церкве похвало и радование. Радуйся, дарами благодатными преисполненный; радуйся, не словом точию, но множае паче делом нас поучаяй. Радуйся, различными напастьми и искушеньми отяг-ченных скоро пособствующий; радуйся, избранниче Христов, чудесы свидетельст-вованный. Радуйся, в подвигах земное течение совершивый; радуйся, сподобившийся зрети славу Божию. Радуйся, преподобне отче Моисее, дивный чудотворче и чистоты поборниче.

Кондак 6

Проповедуется во всем мире доблесть подвига твоего, блаженне, ибо ни во что же вменял еси житие мира сего. Гладом умысли злая жена уморити тя, вверженного в темницу. Друзии же увещаваху тя, глаголюще: кто не посмеется твоему безумию; уне ти есть покоритися жене сей. Ты же, блаженне, рече: вышняго ради Царства вся сия прео-бидех, поя Богу: Аллилуиа.

Икос 6

Возсиял еси в бренной плоти светом небесным, глаголя слова Евангельския: не оженивыйся печется о Господних, како угодити Господеви. Тем же вопием ти: Радуйся, отче, светом добродетелей твоих мир озаривый; радуйся, огнь любве Христовы в себе носивый. Радуйся, в бедах скорый помощниче; радуйся, ангельское житие являяй. Радуйся, не приложивый сердца к земному наслажде-нию; радуйся, молитвенниче о чтущих святую память твою. Радуйся, покоя вечного достигнувый. Радуйся, неизреченных благ наследниче. Радуйся, преподобне отче Моисее, дивный чудотворче и чистоты поборниче.

Кондак 7

Хотяй непрестанно житием и верою Господу благоугождати, был еси от черноризца святыя Афонския горы облечен во святый, ангельский, иноческий образ, тем же сиянием подвигов твоих просвещенни усердно величаем тя прославльшему тя Христу Богу вопием: Аллилуиа.

Икос 7

Новое показа зло оная лукавая жена егда в безумии своем оскопити тя повелела, ты же яко мертв лежал еси от течения крове, едва мало в себе дыхания имея. Благоговейне убо вспоминая долготерпение твое, блажим тя похвалами сими: Радуйся, яко огнь любве к Богу в сердце твоем непрестанно сохранивый; радуйся, бодрости и трезвения предобрый учителю. Радуйся, верных ко спасению наставляющий, Радуйся, твердее адаманта в терпении явивыйся, ибо кровию твоею, яко багряницею Церковь украсися. Радуйся, к преподобному Антонию работати Господеви пришедый. Радуйся, чудесы твоими обитель Печерскую прославивый. Радуйся, покоривый волю свою воле Отца Небесного. Радуйся, преподобне отче Моисее, дивный чудотворче и чистоты поборниче.

Кондак 8

Странное чудо является притекающим к тебе, блаженне Моисее, ибо дарова тебе Господь побеждати страсти. Таже подражая первому Моисею, творящему жезлом чудеса, жезлом страсть братнюю исцелил еси. Мы же, благодаря о сем Бога, даровавшему тебе таковую крепость, с любовию взываем: Аллилуиа.

Икос 8

Весь благодатных дарований исполненный, десятолетным безмолвием пещерным равноангельским просиял еси светом небесным и сподобился еси боговидец быти, обретеся бо достоин блаженства чистых сердцем, преподобне отче Моисее. Сего ради по долгу зовем ти: Радуйся, яко тобою Господь от страстей исцеление дарует; радуйся, блаженне, заповедь чистым сердцем быти верно исполнивый. Радуйся, яко свет Божественный зрети сподобился еси; радуйся, о душах наших непрестанный молитвенниче. Радуйся, древних, святых, богоносных отец нравы себе усвоивый; радуйся, высокая преподобных похвало. Радуйся, во смирении зело преуспевый; радуйся, яко успение твое прославляет Святая Церковь. Радуйся, преподобне отче Моисее, дивный чудотворче и чистоты поборниче.

Кондак 9

Все естество ангельское удивися высоте чистоты твоея, Церковь же паки прославляет тя, яко великий таинник Божия благодати был еси и зрети лицем к лицу Господа удостоился еси, да и мы с тобою выну вопием: Аллилуиа.

Икос 9

Витии многовещаннии не возмогут изрещи чистоту твою, блаженне, мы же любовию побеждаеми дерзаем воспети тебе похвалы таковая: Радуйся, немощных укрепление; радуйся, скорбных и печальных утешение; радуйся, добрых насадителю; радуйся, за девственную чистоту от Господа венчанный. Радуйся, Божия славы теплый рачителю, радуйся, талант врученный ти умноживый. Радуйся, Христа Бога всем сердцем возлюбивый; радуйся, светильниче, просвещающий сердца память твою чтущих. Радуйся, преподобне отче Моисее, дивный чудотворче и чистоты поборниче.

Кондак 10

Спасти хотя твою душу, нерадил еси о твоей плоти и в Лавре Печерстей святаго Антония конец странствия земнаго совершил еси, почив о Господе кончиною праведною и святою, яко победитель не с человеки, но со Ангелы воспевал еси Богу: Аллилуиа.

Икос 10

Стеною терпения оградився, Царя Небеснаго Христа верный служитель был еси, житие твое тесною стезею прошел еси. Мы же чтуще любовию память твоего преставления и мощей твоих честных обретения, ублажаем тя, вопиюще таковая: Радуйся, преславный наш заступниче; радуйся, предваряющий прошения призывающих тя во искушениях; радуйся, многими скорбьми в радость Господа вшедый; радуйся, слез излияньми душу твою омывый; радуйся, слово апостольское: любы долготерпит, исполнивый. Радуйся, блаженство райское со святыми унаследовавый; радуйся, богоугодным житием веру утвердивый. Радуйся, ближним и дальним помощь свою подаваяй; радуйся, мира горняго блаженный обитателю. Радуйся, преподобне отче Моисее, дивный чудотворче и чистоты поборниче.

Кондак 11

Пением акафиста чествуем тя и величаем, преподобне отче Моисее, ревностно совершающе святую память твою. Ты же, милостиво приимше малое моление наше, нам поборником, предстателем и молитвенником ко Господу. Мы же, поминая житие твое богоугодное и подвиги твоя многотрудныя, воспеваем прославльшему тя Творцу: Аллилуиа.

Икос 11

Светоподательному светильнику подобны честныя и цельбоносныя мощи твоя, досточудне отче Моисее, свет бо невечерний возсиявает от них чрез чудесы обильныя, тем же от любве сердечныя восклицаем тебе радостно: Радуйся, смертию временной прешедый в живот вечный; радуйся, Иоанна Многострадального чудесно уврачевавый. Радуйся, крине возращенный на земли для райских селений; радуйся, делателю добрый винограда небеснаго. Радуйся, маслино многоплодная сада Иисусова; радуйся, преподобных Печерских отцев величание. Радуйся, тихое пристанище обуреваемых страстьми; радуйся, во всем мире Богом прославленный. Радуйся, преподобне отче Моисее, дивный чудотворче и чистоты поборниче.

Кондак 12

Благодать дана ти от Бога соблюдати от нечистыя страсти всякаго человека, с верою и любовию к заступлению твоему прибегающего. Мы же Господу, даровавшему нам тебе, скорого, милостиваго врачевателя, благодарственне воспеваем: Аллилуиа.

Икос 12

Поюще равноангельское житие твое, ублажаем тя, отче Моисее, яко молитвенника о нас пред Господем, заступника и наставника ко спасению, и со умилением возглашаем ти таковая: Радуйся, о мире молитвенниче преизрядне; радуйся, не точию иноком, но и миряном путь к небу озаряющий. Радуйся, всех сердца любовию твоею к себе привлекающий; радуйся, множеством чудес от Бога прославленный. Радуйся, странниче, отечествия небеснаго достигнувый; радуйся, терпением скорбей древнему Иову подражавый. Радуйся, во искушениях присный помощниче; радуйся, миро целебное Божия благодати. Радуйся, о тебе бо радуются Ангели и Бога славят человецы. Радуйся, преподобне отче Моисее, дивный чудотворче и чистоты поборниче.

Кондак 13

О, предивный угодниче и святый чудотворче, преподобне отче Моисее, малое сие песнословие, с любовию в похвалу тебе приносимое, от нас милостивно приемши, умоли всех Творца и Господа даровати нам душевное спасение и телесное здравие, верно воспевающих Богу: Аллилуиа.

(Этот кондак читается трижды, затем икос 1 и кондак 1)

Ґкafістъ прпdбному мwmсе1ю ќгрину.

Конда1къ а7.

Возбра1нный чудотво1рче и3 дх7а ст7а1го и3спо1лненный, прпdбный o4тче мwmсе1е, ди1вный подви1жниче и3 недyгwвъ душе1вныхъ и3 тэле1сныхъ цэле1бниче, я4кw и3мёzй дерзнове1ніе ко гдcу, t всz1кихъ на1съ бёдъ свободи2 да въ ра1дости се1рдца зове1мъ ти2:

Ра1дуйсz, прпdбне o4тче мwmсе1е, ди1вный чудотво1рче и3 чистоты2 побо1рниче.

Јкосъ а7.

Ѓгглwвъ творе1цъ и3 гдcь си1лъ я3ви2 тS, досточyдне, а4гг7ла во плоти2 и3 вёрныхъ предста1телz. прибэга1юще u4бо къ заступле1нію твоемY, сицев†z ра1дwстнаz тебЁ прино1симъ:

Ра1дуйсz, а4гг7льскіz чcтоты2 ревни1телю: ра1дуйсz, предо1брый и4нокwвъ наста1вниче.

Ра1дуйсz, цэломyдріz ди1вное свэти1ло: ра1дуйсz, u3се1рдный и3сполни1телю поста2 и3 воздержа1ніz.

Ра1дуйсz, свётлый o4бразе кро1тости и3 смире1ніz: ра1дуйсz, u3тэше1ніе вBрнымъ я3влz1zй.

Ра1дуйсz, o3би1телей земны1хъ покрови1телю нбcный: ра1дуйсz, я3ре1мъ бл7гi1й на сS взе1мшій.

Ра1дуйсz, прпdбне o4тче мwmсе1е, ди1вный чудотво1рче и3 чcтоты2 побо1рниче.

Конда1къ в7.

Ви1дz гдcь чистотY се1рдца твоегw2, и3збра2 тS зрёти сла1ву нбcную. Е#гда2 съ двумS бра1тіzми твои1ми во гра1дъ кi1евъ пресели1лсz є3си2 и3 ст7ы6мъ страстоте1рпцємъ u3се1рдно порабо1талъ є3си2, тогда2 ты2, бл7же1нне, въ мл7твахъ потща1лсz є3си2, є3ли1ко бЁ мо1щно ю4ношэ ст7ы6мъ подража1ти. Сегw2 ради2 съ весе1ліемъ возопіz1лъ є3си2 бг7у: Ґллилyіа.

Јкосъ в7.

Ра1зумъ бг7одухнове1нъ и3мёz, w3 прпdбне o4тче мwmсе1е, ди1внымъ смотре1ніемъ б9іимъ, є3гда2 на рэцЁ а4льтэ бра1та твоего2 геHргіа во1и свzтопо1лка погуби1ша вкyпэ со ст7ы1ми страстоте1рпцами бори1сомъ и3 глёбомъ, тh же є3ди1нъ и3зба1вивсz u3біе1ніz, прише1лъ во гра1дъ кi1евъ къ предисла1вэ сестрЁ kрослaвли и3 бы1лъ та1мw молz1сz ко гдcу приле1жнw, тёмже похвалz1юще бг7а, спа1сшаго тz2, глаго1лемъ ти2 си1це:

Ра1дуйсz, нача1ло премyдрости стра1хъ бж7ій пра1виломъ жи1зни себЁ пред8избра1вый: ра1дуйсz, я4кw а4гг7ла храни1телz николи1же w3печа1лилъ є3си2.

Ра1дуйсz, лучY бж7е1ственнагw свёта: ра1дуйсz, бл7гоуха1нный кри1не дёвства и3 нетлёніz.

Ра1дуйсz, я4кw бл7гоче1стіемъ твои1мъ u3годи1лъ є3си2 хрcтY бг7у: ра1дуйсz, къ бцdэ мл7твенниче на1шъ неусы1пный.

Ра1дуйсz, не1мощей на1шихъ и3зрz1дный цэле1бниче: ра1дуйсz, и3збра1нный сосyде дх7а ст7а1гw.

Ра1дуйсz, прпdбне o4тче мwmсе1е, ди1вный чудотво1рче и3 чcтоты2 побо1рниче.

Конда1къ г7.

Си1лою вы1шнzго, дарова1нною тебЁ, и3 долготерпёніемъ твои1мъ бы1лъ є3си2 вельми2 преукра1шенъ, є3гдa же ведо1ша тS по рyку и3 но1гу желе1зы тz1жкими w3ковaна и3 тве1рдо стрежа1ху, любо1вію къ бг7у пламенёz, вопіz1лъ є3си2: Ґллилyіа.

Јкосъ г7.

И#мёz бл7гопріz1тную по бл7гоче1стіи ре1вность, бы1лъ є3си2 и3скуша1емь t нёкіz жены2 млады1z, и3мyщей бога1тство мно1гое, є3s же мyжъ съ болесла1вомъ и3ды1й не возврати1сz: тA u4бо пріе1мши во u4мъ ви1дэніz, добро1ту u3zзви1сz вожделёніемъ плотски1мъ къ прпdбному, o4нъ же вс‰ терпS молz1шесz. СемY ќбо бл7гого1вэйно u3дивлz1ющесz, съ ра1достію вопіе1мъ тебЁ:

Ра1дуйсz, t мла1да во1зраста вда1вый себE на служе1ніе гдcу: ра1дуйсz, того2 є3ди1наго па1че всегw2 возлюби1вый.

Ра1дуйсz, пло1ть дyху покори1вый: ра1дуйсz, всz6 по бз7э терпёти и3зво1ливый.

Ра1дуйсz, кHзни вдовы2 бо1дрw tрази1вый: ра1дуйсz, тёснымъ путе1мъ є3vgльскимъ ше1ствовавый.

Ра1дуйсz, кіево­пече1рскіz ла1vры сщ7е1нное u3крашеніе: ра1дуйсz, я4кw тобо1ю гдcь прославлz1етсz.

Ра1дуйсz, прпdбне o4тче мwmсе1е, ди1вный чудотво1рче и3 чcтоты2 побо1рниче.

Конда1къ д7.

Бyрею w3держи1ма помышле1ній, восшумЁ нечести1ваz вдова2 на хра1мъ души2 твоеz2 прпdбне, u3вёдэвъ же тS вёрнаго бы1ти раба2 хrто1ва, ѕэлw2 смzте1сz, тёмже и3 мы2 зрS жите1йское мо1ре воздвиза1емое бyрею страсте1й и3 напа1стей, притека1емъ къ ти1хому приста1нищу мл7твъ твои1хъ, вопіS хrтY бг7у: Ґллилyіа.

Јкосъ д7.

Слы1шавше и3 ви1дэвше ст7о1е житіе2 твое2, u3дивлz1хусz си1лэ бл7года1ти, и3зъ u4стъ твои1хъ и3сходz1щей, и3 прославлz1ху бг7а, сегw2 ра1ди и3 мы2 ра1достно u3бlжа1емъ тS:

Ра1дуйсz, ди1вный и3збра1нниче бж7ій: ра1дуйсz, сyетную сла1ву ми1ра сего2 во u3ме1ты вмэни1вый.

Ра1дуйсz, за сладча1йшаго i3и7са дyшу твою2 положи1вый: ра1дуйсz, u3 пrто1ла бж7іz предстоz1й съ го1рними си1лами.

Ра1дуйсz, на высотY безстра1стіz возше1дый: ра1дуйсz, прпdбне o4тче, въ терпёніи неwдолённый.

Ра1дуйсz, свёта невече1рнzго прича1стниче: ра1дуйсz, ве1лію бл7годaть t гдcа стzжа1вый.

Ра1дуйсz, прпdбне o4тче мwmсе1е, ди1вный чудотво1рче и3 чcтоты2 побо1рниче.

Конда1къ є7.

Бг7оте1чною ѕвэздо1ю я3ви2 тS мjру житіE твое2, прпdбне o4тче моmсе1е, я4кw всего2 па1че возлюби1лъ є3си2 чистотY душе1вную и3 тэле1сную, и3 ра1ди мyкъ вре1менныхъ u3повaz и3зба1вленъ бы1ти вёчных мyкъ, воспэва1лъ є3си2 бл7года1рнэ бг7у: Ґллилyіа.

Јкосъ є7.

Ви1дz вра1гъ ро1да чл7вёческагw чcтое и3 ст7о1е житіе2 твое2, па1че распалz1етъ вдовY, я4же o3блечe тz въ ри6зы многоцє1нныz, и3 сла1дкими бра1шны пита1ше, безстyдно влача1ше на дёло непотре1бное, ты1 же, o4тче ст7ы1й, прилежа1ше па1че постY и3 мл7твэ. Сегw2 ра1ди воспэва1емъ си1це:

Ра1дуйсz, до1брый во1ине хrто1въ: ра1дуйсz, ст7ы1z цр7кве похвало2 и3 ра1дованіе.

Ра1дуйсz, да1рами бл7года1тными преиспо1лненный: ра1дуйсz, не сло1вомъ то1чію, но мно1жае па1че дёломъ на1съ поуча1zй.

Ра1дуйсz, разли1чными напа1стьми и3 и3скуше1ньми w3тzгче1нныхъ ско1ро посо1бствующій: ра1дуйсz, и3збра1нниче хrто1въ, чудесы2 свидётельствованный.

Ра1дуйсz, въ по1двигахъ земно1е тече1ніе соверши1вый: ра1дуйсz, сподо1бившійсz зрёти сла1ву бж7ію.

Ра1дуйсz, прпdбне o4тче мwmсе1е, ди1вный чудотво1рче и3 чcтоты2 побо1рниче.

Кондaкъ ѕ7.

Проповёдуетсz во всeмъ мi1рэ до1блесть по1двига твоегw2, бл7жeнне, и4бо ни во что1 же вмэнz1лъ є3си2 житіе2 мjра сегw2. Глaдомъ u3мы1сли ѕлaz жена2 u3мори1ти тS, ввeрженного въ темни1цу. Дрyзjи же u3вэщевaху тS, глаго1люще: кто2 не посмэeтсz твоемY безyмію; U4не ти2 є4сть покори1тисz женЁ сeй. Тh же, бlжeнне, речE: вhшнzгw рaди цrтва сі‰ преwби1дехъ, поS бг7у: Ґллилyіа.

Јкосъ ѕ7.

Возсіz1лъ є3си2 въ брeнной пло1ти свётомъ нбcнымъ, глаго1лz слова2 є3vgльскіz: не w3жени1выйсz печeтсz w3 гдcнихъ, кaкw u3годи1ти гдcеви. Тёмъ же вопіeмъ ти2:

Рaдуйсz, o4тче, свётомъ добродётелей твои1хъ мjръ њзари1вый: рaдуйсz, o4гнь любве2 хrто1вы въ себе2 носи1вый.

Рaдуйсz, въ бэдaхъ ско1рый помо1щниче: рaдуйсz, а4гг7льское житіе2 я3влz1zй.

Рaдуйсz, не приложи1вый сeрдца къ земно1му наслаждeнію: радyсz, мл7твенниче w3 чтyщихъ ст7yю пaмzть твою2.

Рaдуйсz, поко1z вёчнаго дости1гнувый: рaдуйсz, неизречeнныхъ бл†гъ наслёдниче.

Рaдуйсz, прпdбне o4тче мwmсeе, ди1вный чудотво1рче и3 чcтоты2 побо1рниче.

Кондaкъ з7.

Хотz1й непрестaнно житіeмъ и3 вёрою гдcу бл7гоугождaти, бы1лъ є3си2 t чернори1зца ст7ы1z а3fо1нскіz горы2 w3блечeнъ во ст7ы1й, а4гг7льскій, и4ноческій џбразъ. тёмъ же сіz1ніемъ по1двигwвъ твои1хъ просвэщeнни u3сeрдно величaемъ тS, и3 прослaвльшему тS хrтY бг7у вопіeмъ: Ґллилyіа.

Јкосъ з7.

Но1вое показа2 ѕло2 o4наz лукaваz жена2 є3гда2 въ безyміи своeмъ w3скопи1ти тS повелёла, ты1 же я4кw мeртв лежaлъ є3си2 t течeніz кро1ве, є3два2 мaло въ себЁ дыхaніz и3мёz. Бл7гоговёйнэ u4бо вспоминaz долготерпёніе твое2, блажи1мъ тS похвалaми си1ми:

Рaдуйсz, я4кw o4гнь любве2 къ бг7у въ сeрдце твоeмъ непрестaннw сохрани1вый: рaдуйсz, бо1дрости и3 трезвёніz предо1брый u3чи1телю.

Рaдуйсz, вёрныхъ ко сп7сeнію наставлz1ющій: рaдуйсz, твердёе а3дамaнта въ терпёніи я3ви1выйсz, и4бо кро1вію твоeю, я4кw багрzни1цею цр7ковь u3краси1сz.

Рaдуйсz, къ прпdбному ґнтHнію рабо1тати гдcеви пришeдый: рaдуйсz, покори1вый во1лю свою2 во1лэ o#ц7а2 нбcнагw.

Рaдуйсz, прпdбне o4тче мwmсeе, ди1вный чудотво1рче и3 чcтоты2 побо1рниче.

Кондaкъ и7.

Стрaнное чyдо я3влz1етсz притекaющымъ къ тебЁ, бл7жeнне мwmсeе, и4бо дaрова тебЁ гдcь побэждaти стр†сти. Тaже подражaz пeрвому мwmсeю, творz1щему жeзломъ чудеса2, жeзломъ стрaсть брaтнюю и3сцэли1лъ є3си2. Мы1 же, бл7годарS w3 сeмъ бг7а, даровaвшему тебЁ таковyю крёпость, съ любо1вію взывaемъ: Ґллилyіа.

Јкосъ и7.

Вeсь бл7годaтныхъ даровaній и3спо1лненный, десzтолётнымъ безмо1лвіемъ пещeрнымъ равноaгг7льскимъ просіsлъ є3си2 свётомъ нбcнымъ и3 сподо1билсz є3си2 бг7ови1дэцъ бы1ти, w3брётесz бо досто1инъ бл7жeнства чи1стыхъ сeрдцемъ, прпdбне o4тче мwmсeе. Сегw2 рaди по до1лгу зовeмъ ти2:

Рaдуйсz, я4кw тобо1ю гдcь t страстeй и3сцэлeніе дaруетъ: рaдуйсz, бл7жeнне, зaповэдь чи1стымъ сeрдцемъ бы1ти вёрно и3спо1лнивый.

Рaдуйсz, я4кw свётъ бж7eственный зрёти сподо1билсz є3си2: рaдуйсz, w3 душaхъ нaшихъ непрестaнный моли1твенниче.

Рaдуйсz, дрeвнихъ ст7ы1хъ бг7оно1сныхъ o3тє1цъ нрaвы себЁ u3сво1ивый: рaдуйсz, высо1каz прпdбныхъ похвало2.

Рaдуйсz, во смирeніи ѕэлw2 преуспэвazй: рaдуйсz, я4кw u3спeніе твое2 прославлz1етъ ст7az цRковь.

Рaдуйсz, прпdбне o4тче мwmсeе, ди1вный чудотво1рче и3 чcтоты2 побо1рниче.

Кондaкъ f7.

ВсE є3стество2 а4гг7льское u3диви1сz высотЁ чcтоты2 твоеS, цр7ковь же пaки прославлz1етъ тS, я4кw вели1кій таи1нникъ бж7іz бл7годaти бы1лъ є3си2, да и3 мы2 съ тобо1ю вы1ну вопіeмъ: Ґллилyіа.

Јкосъ f7.

Вэтi1и многовэщaнніи не возмо1гутъ и3зрещи2 чистотY твою2, бл7жeнне, мы1 же любо1вію побэждaеми дерзaемъ воспёти тебЁ похвалы6 таков†z:

Рaдуйсz, немощны1хъ u3крэплeніе: рaдуйсz, ско1рбныхъ и3 печaльныхъ ўтэшeніе.

Рaдуйсz, до1брыхъ насади1телю: рaдуйсz, за дёвственную чcтотY t гдcа вэнчaнный.

Рaдуйсz, бж7іz слaвы тeплый рачи1телю: рaдуйсz, талaнтъ вручeнный ти2 u3мно1живый.

Рaдуйсz, хrта2 бг7а всёмъ сeрдцемъ возлюби1вый: рaдуйсz, свэти1льниче, просвэщaющій сердца2 пaмzть твою2 чтyщихъ.

Рaдуйсz, прпdбне o4тче мwmсeе, ди1вный чудотво1рче и3 чcтоты2 побо1рниче.

Кондaкъ i7.

Спасти2 хотS свою2 дyшу, нерадёлъ є3си2 w3 своeй пло1ти и3 въ лavрэ печeрстэй ст7aгw а3нтHніа конeцъ стрaнствіz земнaгw соверши1лъ є3си2, почи1въ w3 гдcэ кончи1ною прaведною и3 ст7о1ю, я4кw побэди1тель не съ человёки, но со а4гг7лы воспэвaлъ є3си2 бг7у: Ґллилyіа.

Јкосъ i7.

Стэно1ю терпёніz w3гради1всz, цр7S нбcнагw хrтA вёрный служи1тель бы1лъ є3си2, житіе2 твое2 тёсною стезeю прошeлъ є3си2. Мы1 же чтyще любо1вію пaмzть твоегw2 преставлeніz и3 мощeй твои1хъ честны1хъ w3брётеніz, u3блажaемъ тS, вопію1ще таков†z:

Рaдуйсz, преслaвный нaшъ застyпниче: рaдуйсz, предварz1ющій прошє1ніz призывaющихъ тS во и3скушeніzхъ.

Рaдуйсz, мно1гими скорбьми2 въ рaдость гдcа вшeдый: рaдуйсz, слeзъ и3зліz1ньми дyшу твою2 њмhвый.

Рaдуйсz, я4кw сло1во а3пcльское: любы2 долготeрпитъ, и3сп0лнивый.

Рaдуйсz, бл7жeнство рaйское со ст7hми ўнаслёдовавый: рaдуйсz, бг7оуго1днымъ житіeмъ вёру ўтверди1вый.

Рaдуйсz, бли6жнимъ и3 д†льнимъ по1мощь свою2 подавazй: рaдуйсz, мi1ра го1рнzго бл7женный o3битaтелю.

Рaдуйсz, прпdбне o4тче мwmсeе, ди1вный чудотво1рче и3 чcтоты2 побо1рниче.

Кондaкъ а7i.

Пёніемъ ґкafіста чeствуемъ тS и3 величaемъ, прпdбне o4тче мwmсeе, рeвностно совершaюще ст7yю пaмzть твою2. Ты1 же, млcтивно пріи1мше мaлое молeніе нaше, нaмъ побо1рникомъ, предстaтелемъ и мл7твенникомъ ко гдcу бyди. Мы1 же поминaz житіе2 твое2 бг7оуго1дное и3 по1двиги тво‰ многотр<дныz, воспэвaемъ прослaвльшему тS творцY: Ґллилyіа.

Јкосъ а7i.

Свэтоподaтельному свэти1льнику подw1бны честны6z и3 цэльбонHсныz мо1щы тво‰, досточyдне o4тче мwmсeе, свётъ бо невечeрній возсіzвaетъ t ни1хъ чрeз8 чудесы2 nби6льныz. Тёмъ же t любве2 сердeчныz восклицaемъ тебЁ рaдостно:

Рaдуйсz, смeртію врeменной прешeдый въ живо1тъ вёчный: рaдуйсz, i3waнна многострадaльнагw чудeсно u3врачевaвый.

Рaдуйсz, кри1не возращeнный на земли2 длz рaйскихъ селeній: рaдуйсz, дёлателю до1брый виногрaда нбcнагw.

Рaдуйсz, мaслино многопло1днаz сaда i3и7сова: рaдуйсz, прпdбныхъ печер1скихъ o3ц7є1въ величaніе.

Рaдуйсz, ти1хое пристaнище w3буревaемыхъ страстьми2: рaдуйсz, во всeмъ мi1рэ бг7омъ прослaвленный.

Рaдуйсz, прпdбне o4тче мwmсeе, ди1вный чудотво1рче и3 чcтоты2 побо1рниче.

Кондaкъ в7i.

БLть данA ти2 t бг7а соблюдaти t нечи1стыz стрaсти всz1каго человёка, съ вёрою и3 любо1вію къ заступлeнію твоемY прибэгaющего. Мы1 же гдcу, даровaвшему нaмъ тебе2, ско1раго, млcтиваго врачевaтелz, бл7годaрственне воспэвaемъ: Ґллилyліа.

Јкосъ в7i.

Пою1ще равноaгг7льское житіе2 твое2, u3бlжaемъ тS, o4тче мwmсeе, я4кw моли1твенника w3 нaсъ прeдъ гдcемъ, застyпника и3 настaвника ко сп7сeнію, и3 со u3милeніемъ возглашaемъ ти2 таков†z:

Рaдуйсz, w3 мjрэ моли1твенниче преизрz1дне: рaдуйсz, не то1чію и4нокwмъ, но и3 мірz1нwмъ пyть къ нб7у w3зарz1ющий.

Рaдуйсz, всёхъ сердца2 любо1вію твоeю къ себЁ привлекaющій: рaдуйсz, мно1жествомъ чудeсъ t бг7а прослaвленный.

Рaдуйсz, стрaнниче, o3тeчествіz нбcнаго дости1гнувый: рaдуйсz, терпeніемъ скорбeй дрeвнему їHву подражaвый.

Рaдуйсz, во и3скушeніzхъ при1сный помо1щниче: рaдуйсz, мv1ро цэлeбное бж7іz бл7годaти.

Рaдуйсz, w3 тебё бо рaдуютсz ѓгGли и3 бг7а слaвzтъ человёцы.

Рaдуйсz, прпdбне o4тче мwmсeе, ди1вный чудотво1рче и3 чcтоты2 побо1рниче.

Кондaкъ г7i.

Q преди1вный u3го1дниче и3 ст7ы1й чудотво1рче, прпdбне o4тче мwmсeе, мaлое сіе2 пэсносло1віе, съ любо1вію въ похвалY тебЁ приноси1мое, t нaсъ ми1лостивно пріeмши, u3моли2 всёхъ творца2 и3 гдcа дaровати нaмъ душeвное сп7сeніе и тэлeсное здрaвіе, вёрнw воспэвaющихъ бг7у: Ґллилyіа.

Сeй кондaкъ чтeтсz три1жды, посeмъ јкосъ №­й и3 кондaкъ №­й.

Моли1тва:

Q пречyдный и3 бг7оно1сный o4тче мwmсeе, и3зрz1дный u3го1дниче хrто1въ и3 вели1кій чудотво1рче, къ тебЁ смирeнно припaдаемъ и3 мо1лимсz: дaждь нaмъ бы1ти причaстникwмъ любве2 твоеS къ бг7у и3 бли1жнему, помози2 нaмъ твори1ти во1лю гдcню въ простотЁ сeрдца и3 смирeніи, зaпwвэди гдcни совершaти непогрэши1тельнw, при1зри бл7гоутро1бно на всz1кую дyшу вёрныхъ твои1хъ чти1телей, ми1лости и3 по1мощи твоеS и4щущихъ. Е$й, всебл7гi1й u3го1дниче бж7ій, u3слы1ши нaсъ, молz1щихсz тебЁ, и3 не прeзри нaсъ, трeбующихъ твоегw2 заступлeніz и3 досто1йную пёснь тебЁ приносz1щихъ: тебе2 u3блажaемъ, o4тче мwmсeе, тS воспэвaемъ, чcтоты2 свэти1льниче, прославлz1юще млcтиваго бг7а, во с™ёй безначaльнэй трbцэ слaвимагw: nц7A и3 сн7а и3 ст7aго дх7а, ны1нэ и3 при1снw, и3 во вёки вэкHвъ. Ґми1нь.

Житие преподобного Моисея Угрина, Печерского

Пре­по­доб­ный Мо­и­сей Уг­рин, Пе­чер­ский, по про­ис­хож­де­нию венгр, был бра­том пре­по­доб­но­го Еф­ре­ма Но­во­торж­ско­го († 1053; па­мять 28 ян­ва­ря) и Ге­ор­гия. Вме­сте с ни­ми он по­сту­пил на служ­бу к свя­то­му бла­го­вер­но­му кня­зю Бо­ри­су († 1015; па­мять 24 июля). По­сле убий­ства в 1015 го­ду на ре­ке Аль­те свя­то­го Бо­ри­са, вме­сте с ко­то­рым по­гиб и Ге­ор­гий, свя­той Мо­и­сей бе­жал и скры­вал­ся в Ки­е­ве у Преди­сла­вы, сест­ры кня­зя Яро­сла­ва. В 1018 го­ду, ко­гда поль­ский ко­роль Бо­ле­слав за­хва­тил Ки­ев, свя­той Мо­и­сей вме­сте с дру­ги­ми по­пал в Поль­шу в ка­че­стве плен­ни­ка.

Вы­со­кий и строй­ный кра­са­вец, свя­той Мо­и­сей об­ра­тил на се­бя вни­ма­ние од­ной бо­га­той поль­ки-вдо­вы, ко­то­рая за­го­ре­лась к нему страст­ным же­ла­ни­ем и за­хо­те­ла сде­лать его сво­им му­жем, вы­ку­пив из пле­на. Свя­той Мо­и­сей ре­ши­тель­но от­ка­зал­ся ме­нять плен на раб­ство у жен­щи­ны. Его дав­ниш­ней меч­той бы­ло при­нять Ан­гель­ский об­раз. Од­на­ко, несмот­ря на от­каз, поль­ка ку­пи­ла плен­ни­ка.

Она пы­та­лась вся­че­ски со­вра­тить юно­шу, но он пред­по­чи­тал го­лод­ные му­ки пыш­ным пи­рам. То­гда поль­ка ста­ла во­зить свя­то­го Мо­и­сея по сво­им зем­лям, ду­мая, что он пре­льстит­ся вла­стью и бо­гат­ством. Свя­той Мо­и­сей ска­зал ей, что не про­ме­ня­ет ду­хов­ные бо­гат­ства на тлен­ные ве­щи это­го ми­ра и станет ино­ком.

Про­ез­жав­ший через те ме­ста Афон­ский иеро­мо­нах по­стриг свя­то­го Мо­и­сея в ино­че­ство. Поль­ка при­ка­за­ла рас­тя­нуть свя­то­го Мо­и­сея на зем­ле и бить его пал­ка­ми так, чтобы зем­ля на­пи­та­лась кро­вью. Она до­би­лась раз­ре­ше­ния у Бо­ле­сла­ва де­лать с плен­ни­ком все, что угод­но. Бес­стыд­ная жен­щи­на од­на­жды ве­ле­ла на­силь­но по­ло­жить свя­то­го Мо­и­сея с со­бой на по­стель, це­ло­ва­ла и об­ни­ма­ла его, но и этим ни­че­го не до­би­лась. Свя­той Мо­и­сей ска­зал: «Я из стра­ха Бо­жия гну­ша­юсь то­бой как нечи­стой». Услы­шав это, поль­ка ве­ле­ла да­вать свя­то­му каж­дый день по сто уда­ров, а по­том оско­пить его. Вско­ре Бо­ле­слав воз­двиг го­не­ние на всех ино­ков в стране. Но его по­стиг­ла вне­зап­ная смерть. В Поль­ше под­нял­ся мя­теж, во вре­мя ко­то­ро­го бы­ла уби­та и вдо­ва. Опра­вив­шись от ран, пре­по­доб­ный Мо­и­сей при­шел в Пе­чер­ский мо­на­стырь, но­ся на се­бе му­че­ни­че­ские ра­ны и ве­нец ис­по­ве­да­ния как по­бе­ди­тель и храб­рый во­ин Хри­стов. Гос­подь дал ему си­лу про­тив стра­стей. Один брат, одер­жи­мый нечи­стой стра­стью, при­шел к пре­по­доб­но­му Мо­и­сею и мо­лил его по­мочь ему, го­во­ря: «Даю обет со­хра­нить до смер­ти все, что ты ве­лишь мне». Пре­по­доб­ный Мо­и­сей ска­зал: «Ни­ко­гда в жиз­ни ни с од­ной жен­щи­ной сло­ва не го­во­ри». Брат обе­щал ис­пол­нить со­вет пре­по­доб­но­го. У свя­то­го Мо­и­сея бы­ла в ру­ке пал­ка, без ко­то­рой он не мог хо­дить от по­лу­чен­ных ран. Этой пал­кой он уда­рил в грудь при­шед­ше­го к нему бра­та и тот­час тот был из­бав­лен от ис­ку­ше­ния. Пре­по­доб­ный Мо­и­сей под­ви­зал­ся в Пе­чер­ском мо­на­сты­ре 10 лет, скон­чал­ся око­ло 1043 го­да и был по­гре­бен в Ближ­них пе­ще­рах. При­кос­но­ве­ни­ем к свя­тым мо­щам пре­по­доб­но­го Мо­и­сея и усерд­ной мо­лит­вой к нему пе­чер­ские ино­ки ис­це­ля­лись от плот­ских ис­ку­ше­ний.

[spoiler title=»источники:»]

http://akafist.ru/saints/moisej-ugrin/akafist

http://akafistnik.ru/akafisty-russkim-svyatym/akafist-svyatomu-prepodobnomu-moiseyu-ugrinu/

[/spoiler]